Pedagogika fanlari doktor, dots
Nazariy fizika kafedrasi 2020 yilda tashkil topgan. Kafedra shu davrda 7 nafar professor-o‘qituvchi bilan ish boshlagan bo‘lib, ulardan 1 nafar fan doktori, 1 nafar dotsent va 3 nafari fan nomzodi edi. Kafedrani pedagogika fanlari doktori, dotsent U.B.Abdiyev boshqarib kelmoqda. Qisqa muddatda kafedra malakali kadrlar bilan ta’minlanib, professor-o‘qituvchilarning soni va sifati oshirilgan.
Hozirda kafedrada 1 nafar fan doktori, 1 nafar dotsent, 3 nafar falsafa doktori (PhD) ilmiy darajasiga ega bo‘lgan katta o‘qituvchi, 2 nafar o‘qituvchi – jami 7 nafar professor-o‘qituvchi asosiy shtatda faoliyat ko‘rsatadi.
Kafedrada o‘qitiladigan yo‘nalishlar:
Bakalavriat:
60530900-Fizika;
Magistratura
70530904-Qayta tiklanuvchi energiya manbalari va barqaror atrof-muhit fizikasi;
70530905-Yarim o‘tkazgichlar fizikasi;
Kafedrada o‘qitiladigan fanlar:
Elektrodinamika
Radioelektronika asoslari
Atom yadrosi va elementar zarralar fizikasi
Kvant mexanikasi asoslari
Termodinamika va statistik fizika
Nazariy mexanika
Nanofizika asoslari
Qattiq jismlar fizikasi
Astronomiya asoslari va astrofizika
Maktab fizika kursida tajriba o’tkazish metodikasi
Kondensirlangan holat fizikasi
Energetik resurslar
Magistratura:
Qayta tiklanuvchi energiya manbalari
Fotovoltaikaning fizik asoslari
Fotovoltaika materiallarning optik xossalari
Yarim o‘tkazgichlar fizikasi
Yarim o‘tkazgich sirti fizikasi
Yarim o‘tkazgich asboblar fizikasi
Yarim o‘tkazgichlar parametrlarini aniqlash
Yarimo’tkazgichning optik va fotoelektrik xossalari
Mikroelektronika va integral sxemalar
Organik yarimo’tkazgichlar fizikasi
Organik quyosh elementlari
Fotoelektrik stansiyalar va tizimlar
Quyosh elementlar va batareyalar texnologiyasi
Quyosh energetikasining rivojlanish istiqbollari
Kafedrada olib borilayotgan ilmiy ishlar.
Nazariy fizika kafedrasi qoshida 60530900-Fizika ta’lim yo‘nalishi bo‘yicha bakalavriat, hamda 70530904-Qayta tiklanuvchi energiya manbalari va barqaror atrof-muhit fizikasi, 70530905-Yarim o‘tkazgichlar fizikasi mutaxassisliklari bo‘yicha magistratura yo’nalishlari mavjud.
Shuningdek, kafedra qoshida haftaning shanba kuni tayanch doktorantlar va mustaqil izlanuvchilarning ilmiy faoliyati yuzasidan seminarlar tashkil etiladi va iqtidorli talabalar uchun “Yosh geliotexniklar” to‘garagi faoliyat ko‘rsatadi.
Kafedra o‘qituvchisi Xaliyarov Jasir Xidirovich 2023-yilda Termiz davlat universiteti qoshidagi ilmiy kengashda pedagogika fanlari bo‘yicha falsafa doktori (PhD) ilmiy darajasini olish uchun dissertatsiyani muvaffaqqiyatli himoya qildi.
Barcha o‘qituvchilarning ilmiy faoliyat bilan shug‘ullanishlari uchun sharoitlar yaratilgan. Ular ilmiy safarlarga yuborilmoqda.
Kafedrada olib borilayotgan ilmiy-uslubiy ishlar
Darslik va o‘quv qo‘llanmalar
Kafedra professor-o‘qituvchilari tomonidan 8 ta o‘quv qo‘llanma, 4 ta monografiya, 5 ta o‘quv-uslubiy qo‘llanma, 2 ta darslik, xalqaro va mahalliy ilmiy jurnallarida 35 ta (7 ta scopus bazasida) maqola, xalqaro va Respublika ilmiy –amaliy, ilmiy-nazariy anjumanlarida 60 ta tezislar chop etildi.
Ilmiy maqolalar
Kafedra professor-o‘qituvchilari asosan 01.04.10-Yarim o‘tkazgichlar fizikasi, 13.00.02-Ta’lim va tarbiya nazariyasi va metodikasi (fizika), 05.05.06-Qayta tiklanadigan energiya turlari asosidagi energiya qurilmalari ixtisosliklari bo‘yicha ilmiy tadqiqot ishlari olib borilmoqda.
Kafedra va O‘zRFA “Fizika-Quyosh” IIChB Fizika-texnika instituti, “All Solar” kompaniyasi bilan tuzilgan hamkorlik shartnomasi asosida 70530904-Qayta tiklanuvchi energiya manbalari va barqaror atrof-muhit fizikasi, 70530905-Yarim o‘tkazgichlar fizikasi mutaxassisliklari bo‘yicha magistratura talabalari, 01.04.10-Yarim o‘tkazgichlar fizikasi ixtisosligi bo‘yicha tayanch doktorantlar tadqiqot ishlari olib bormoqda.
Fizika fakultetining bitiruvchi mutaxassislariga iste’molchilarda talab katta bo‘lib, ularning ko‘pchiligi O‘zbekiston Respublikasi Fanlar akademiyasining institutlarida, tibbiy-diagnostika markazlarida, Mudofaa vazirligiga tegishli tashkilotlarda, Markaziy geologiya laboratoriyalarida, Oliy o‘quv yurtlarida, akademik litsey va kasb-hunar maktablarida hamda xalq xo‘jaligi korxonalarida faoliyat ko‘rsatmoqdalar.
